鄭欣宜、黃又南、鄧麗欣和劉心悠前晚在奧海城出席電影《燈塔下的戀人》首映，欣宜早前應一個食品品牌的邀請，拍攝一條回家吃飯日的宣傳短片，欣宜在片中表示最難忘是肥姐和婆婆煮的上海菜，亦想起肥姐經常叫她返家吃飯時，因為自己想約朋友去玩而嫌媽咪煩，可惜當她想再食的時候，已經沒有機會，最後工作人員為欣宜炮製幾味肥姐曾煮的菜式，結果令她在鏡頭前爆喊。
首映上向欣宜提到此事，她說：「其實今次佢哋夾埋啲同事夾埋畀咗驚喜我，嗰陣我以為收工，點知拎晒啲餸出嚟， 搞到忍唔住爆喊，真係好有心。」在片段中，當她拍攝第二個家庭的個案時，亦令她忍不住落淚，她說：「初初以為嗰個媽咪想個仔多啲返屋企食飯，點知原來係叫佢唔好咁辛苦，我又即刻爆喊咗，因為嗰排做嘢連續踩30個鐘，之後又要去拍戲，之前都好想搵一個人嗲吓，有次發夢媽咪同我講：『你好叻女，我個女好乖㗎！』所以我真係忍唔住，其實都好耐冇試過咁，呢條片訊息好好，叫大家珍惜，有機會要同屋企人食吓飯。」
又南發誓冇咀劉佩玥
曾經與劉佩玥傳緋聞的黃又南，他兩度發誓沒有與劉佩玥拍拖兼咀嘴，問到對方與伍允龍的緋聞，他說：「唔知，我唔通打電話畀佢問咁古怪咩？」又南自爆目前有一個心儀對象並說：「佢係圈外人，朋友介紹，我哋食咗幾次飯有好感，不過我好慢熱，要了解清楚。」目前忙於做宣傳工作的劉心悠，她透露稍後將會為明年的馬拉松做準備，她說：「明年係人生中最重要一次，係第10次，儲埋下年夠100公里，完成埋呢次會挑戰跑半馬。」林俊賢的囡囡林鈺洧透露目前在爹哋的支持下，會先向模特兒界發展，有機會亦希望試拍電影。
採訪：溫敏芝
