Naomi做「小三」原來早有前科，最為人記得是她疑介入李思捷與春卷戀情，但巧合地她之前的圈外男友Patrick竟然是阿佘好友Georgia的男友，傳阿佘為此事在夜場與Naomi開過拖，故此二人有牙齒印。
據知，Naomi依然有與Patrick聯絡，對於被揭舊情史做小三，她表示：「係一齊過，我出寫真前一直講嘅男朋友都係佢，佢同我一齊嘅時候，佢表示單身㗎嘛，我唔係差人法官搵證據，我都係受害者。」 Naomi強調冇與阿佘爭執過：「喺最近同一個場開幕見過佢，冇同佢講過嘢我都唔識佢，就算講過嘢都可能十年前，天明開酒吧講過嘢。」