人人工作都有壓力，花旗香港及澳門區行長盧韋柏（Weber）前排身體力行，同員工一齊減壓，率領大家做瑜伽，蹺腳、遞高隻手、彎腰拉筋，完全冇難度。
聽講話Weber今次係第一次玩瑜伽，感覺幾新鮮，佢本身都有有玩開兵乓波、手球，今次玩埋瑜伽，唔知會唔會有下次，或者下次可以表演將隻腳放喺頭上面。
其實做銀行肯定好忙，特別係家陣金融監管相當嚴，經濟又好似麻麻哋，壓力唔大就假。今次Weber係想推動員工做多啲運動，同埋樹立積極嘅生活態度。佢仲同埋佢好朋友花旗個人銀行服務香港區總經理伍燕儀送曲奇畀員工，不過，如果表現好，加人工同派bonus應該仲實際。