木村沙織就快由女神變人妻嘞！日本傳媒報道，日本排球女神兼隊長木村沙織將會喺今年之內同佢未婚夫日高裕次郎（小圖）拉埋天窗。日高裕次郎之前都打排球，同沙織BB襯到絕。沙織BB即將做人妻，無疑令一眾男粉絲好心傷，但日本傳媒就持正面態度，話日本女排有沙織嘅結婚消息沖喜，希望佢哋可以喺出年嘅奧運預賽突圍，攞到里約熱內盧奧運嘅入場券。