耀才證券（1428）主席葉茂林賣殼timing真係準到不得了。佢今年3月將上市1年嘅夜場股Magnum（2080）賣畀內地家電集團奧克斯董事長鄭江，套現4億元。
新主人接手半年，Magnum噚日宣佈要執兩個場，仲發埋盈警！Magnum宣佈摺埋中環Beijing Club。Beijing Club今年頭半年裝修，6月重新開張，3個月就話錄得虧損，頂唔到去明年2月租約期滿，即日結業。Magnum應該要使多筆錢將個場修復還原畀番業主。此外，另一個場Dizzi亦計劃今年10月底結業。
公司話，另外兩個場Magnum與Zentral將成為公司業務支柱。查實𠵱家股市、樓市都麻麻哋，邊有人仲有心情又有閒錢去蒲吖？