擅長沉默是金嘅民政事務局局長劉江華,原來上星期唔聲唔聲,為11月開打嘅中港足球大戰去咗香港大球場視察「生草」情況。足總主席梁孔德噚日接受白鴿黨卿姐網台訪問時透露,劉華上周視察大球場後,覺得啲草「生得有啲問題」,擔心嚟緊打埋50幾場欖球賽後,大球場草地難以符合國際足協要求。梁孔德話屆時大球場若已賣咗飛又唔打得,真係大鑊鳥,所以要等多兩、三星期先知可唔以可以喺大球場開戰。
梁孔德仲透露,財爺曾俊華早前入場為港隊打氣時,係以球迷唔係官式身份入場,所以全程無特別安排保安,佢嚟緊會邀請民政事務局官員觀看中港大戰;備受網民愛戴的劉華會否入場?要由當局決定,梁孔德則希望梁振英屆時都亮相。