歌仔都有得唱啦，林子祥「數字人生」歌詞：「明明刨正2、3，為何彈出4、1」，所以話有時跑馬只係買冧巴遊戲。講開買冧巴，各位知唔知今季跑咗三次馬，乜冧巴最旺？乜冧巴係盲門呢？
最旺冧巴係1號同3號，跑咗三次馬都有得贏，今次1號馬中，梗係要第六場「駿將」啦，啱啱上個禮拜三受阻梗頸四輸不足一身位，今次跑低一班，仲要換埋韋達跑，有權補中。
3號馬有邊隻好呢？試吓隻第四場「創出商機」啦，路合兼有一位之利，跑出機會的確好高。
講到盲門馬號，今季5、8、12號馬就唔多老黎！跑咗三次馬都未贏過。今晚5號馬中「皇者拍檔」會熱，另外8號馬「馬主光輝」亦多人吼，真係玩唔過。至於12號馬中，「飛霞」用雷神會多人留意，要唔要你自己諗嘞！