楊千嬅前晚在金鐘太古廣場出席時裝品牌活動，最近她忙湊仔上學，和為準備澳門個唱操弗自己，她透露囝囝Torres屆時都會去澳門睇騷，但是不會安排他上台，千嬅說：「佢太細個，不過我知道佢成日都想上台，一切等佢讀完書之後決定自己條路，不過我有啲歌佢都認得，但每首歌只係識唱三個字，對於一個未識睇字的小朋友，記憶力已經好勁。」
千嬅對囝囝未來入行持開放態度，她說：「你覺得我阻到咩？我只可以調節一條比較靚、風景比較好嘅路佢行，但都阻唔到佢。」至於會不會給囝囝做童星，她說：「我哋成家人拋頭露面，不過都好喎，咁樣都安全，希望街坊見到有乜事都伸出援手。」
採訪、 攝影：卓寶花