香港蘇富比中國書畫秋拍將於今年10月6日舉行，重點拍品為已故國畫大師傅抱石喺1945年所作嘅《二湘圖》。呢幅拍品曾於2003年透過香港蘇富比拍賣，當年成交價140萬元，今日估價介乎1,500萬至2,000萬元，12年間升值10倍。
《二湘圖》乃傅抱石贈予近代文學家趙清閣嘅作品，「湘君」與「湘夫人」出自屈原《九歌》嘅詩句，係傅抱石人物畫經常引入嘅主角。
蘇富比中國書畫部主管張超群指，1940年代係傅抱石畫畫最成熟、最有個人風格嘅時間，藝術水平頗高。
其實舊年10月香港蘇富比都有拍賣一幅傅抱石於1945年所作嘅《黃山煉丹臺》，成交價達到2,812萬元（含買家佣金），藝術品確有投資價值。