前日有近三百位親友出席張嘉兒的婚禮，不少親友包括戚黛黛都由香港專程飛到溫哥華恭賀，雖然張嘉兒一班好姊妹包括周美欣、曹敏莉、張美妮和朱凱婷等有事在身，未能到溫哥華陪出嫁，但也透過WhatsApp群組直擊老友感動過程。戚黛黛昨在電話說：「佢哋成班真係抽唔到時間過嚟，咁我做代表啦，我哋有個群組，我一路會報告過程畀佢哋聽，咁佢哋都可以同時參與到嘉兒個wedding。」
戚黛黛未肯透露開門利是多少，只表示十分滿意，又大讚婚禮過程十分順利，她說：「我未試過去一個婚禮可以全部嘢有充裕時間，可以underrun，好戥佢開心，成個婚禮好perfect，嘉兒搵到一個好老公，作為朋友真係好開心。」
採訪：魯吉