香港青年聯會噚日舉行23屆會董就職禮，全國人大常委范徐麗泰囝囝范駿華（Andrew）「升呢」做主席，范太當然有出席撐場，佢一到場就回應傳媒問及，中聯辦主任張曉明嘅「特首超然論」，反而被問到對囝囝做主席有乜寄望就笑而不答。
Andrew就話希望青聯呢一年可以擴大工作，團結唔同背景嘅青年，嚟緊10月會搞高𥧌論壇，初步計劃搵10幾個社會各界重量級人馬同大學生分享。
講到團結唔同背景青年，會唔會主動接觸唔同政見嘅青年組織、團體呢？佢笑言乜範疇都樂意合作，但太激進就唔係好敢。學民仔算唔算激進？Andrew話佢唔係指某特定組織喎。