想投身記者、編輯嘅大學生，今年真係唔使愁，即將面世嘅媒體「香港零一」，噚日開始透過香港記者協會請人，由網站副編輯主任到記者都係目標。初出茅廬嘅記者月薪達15,000蚊，比起唔少報館仍以1萬蚊請新人，算係好大手筆。
其實由前《明報》、現任南海主席于品海搞嘅「香港零一」，喺傳媒行內招兵買馬好一段時間，重點向《明報》大挖角，行內茶餘飯後話題係于品海今次「沽空」《明報》，搞到該報近排都不斷請人，填補空缺。行內盛傳「香港零一」嘅政治立場係「可以鬧梁振英，不可以鬧習近平」。
公司註冊處資料顯示，「香港零一媒體有限公司（WeMedia01（HK） Limited」今年6月4日註冊，創辦成員係「大地傳媒有限公司」、董事為南海執行董事劉榮、仲有《明報周刊》前老總龍景昌。