曼城中場耶耶托尼場內就好波喇，不過原來場外係一個賤男嚟？英國《太陽報》爆料，原來耶耶托尼一直都有瞞住佢老婆珍妮芭偷食，仲同情婦馬莉安(Mariam)有一個兩歲嘅私生子。不過，最近馬莉安話耶耶已經停止咗畀贍養費佢同囝囝，原因竟然係馬莉安唔肯影「閃卡」畀耶耶！馬莉安講到：「耶耶一直唔肯認自己個仔，直到佢哋做咗DNA測試；而每一次我都要影性感相畀佢，佢先肯畀錢我，如果唔係佢應都唔會應吓我。」做男人，偷食已經唔啱，好心耶耶你唔好做到咁賤啦！