上星期六嘅美職聯重頭戲，就梗係洛杉磯銀河鬥蒙特利爾衝擊呢場大戰，前者有「謝四」謝拉特及羅比堅尼等球星壓陣，而後者就有杜奧巴擔正，加上兩隊踢法都好鬼主動，呢場點計都一定係入球多嘅賽事，仲唔開「大」？點知，雖然主場嘅銀河係佔得較多攻勢，但全部都隔靴搔癢，而衝擊嘅杜奧巴又好似有少少傷，踢得麻麻，結果兩隊竟然以0:0終場。
銀河鬥衝擊悶和
講番銀河嘅謝四，英國《每日郵報》就繼續連載佢嘅自傳，原來謝四同利物浦咁多位領隊都相處得好好，就只得一個例外，佢就係賓尼迪斯。謝四話唔知點解賓帥好似唔多喜歡自己，所以就算佢哋曾經喺2005年一齊創造過「伊斯坦堡奇蹟」，始終都係冇偈傾。