於美國本周議息前「垃圾時段」，港股上周五先升後跌，完全沒有方向。
恒生指數先升逾300點後倒跌58點，全日收報21504點，成交亦縮至約871億元，惟幸總結全星期，受惠於上周初急升逾1,500點，恒指全周仍然能累升663點或3.18%，算是扭轉了七周連跌頹勢。
跟基金朋友談市況，他指恒指終止了七連跌又有何用，市場整體氣氛仍然欠佳。他說︰「我都唔同你計內地經濟數據越嚟越差呢個問題，就當之後唔再勁差落去，喺呢個價位都仲係買唔落手……當然，𠵱家最大問題係美國加唔加息，同埋之後幾時再加，大家都希望過埋今個禮拜可以清晰啲。」
不明朗因素解決後便可開始「追表現」？朋友發出「哈」一聲然後說︰「追表現？唔搞到個倉虧損擴大，唔使俾人炒已經執到……條街平均蝕2成係常態，但聽講話，有一個成立年期較短嘅對沖基金，7月股災後同年頭比，回報原本係負4成，之後發茅咁想追返，結果變咗負6成！」
他提高聲調說︰「係變咗負6成呀！再亂追，係咪想由『傅義誠』變『傅陸誠』？」大家還「追唔追」？
密西比