𠵱家人人都拎住部手機周圍影相，然後揀相放上網，人人都可以係攝影大師，水禾田又用乜嘢機影相㗎呢？原來佢隨身攜帶嘅，係一部普通嘅數碼相機！
唔少人有錯覺，以為大師影相，必定裝備十足。水禾田對於影相，卻有一個獨門秘訣，就係「細機影大事」。
佢批評，𠵱家好人鍾意用名牌大相機影相，一拎出嚟就嚇親人，可能乜都影唔到；反而佢拎部細機，其他人都唔係好察覺佢拎住相機，令佢可以容易捕捉事物。
至於手機，水禾田用緊一部冇數碼拍攝功能嘅老爺機，佢認為，手機只係用嚟通話，唔使咁多功能。佢繼之而慨嘆，𠵱家好多人冇咗手機就好痛苦，一部手機比銀包更緊要，如果冇手機喺手，全日都好唔自在，平時又經常拎住部手機掃來掃去，一部手機就搞到大家好焦慮。