胡楓（修哥）、Joe Junior及李麗霞（黑妹）聯手打造的一連四場「香港經典演唱會」，前晚在灣仔伊館圓滿落幕，尾場擔大旗的修哥，設計全場對白，再借謝賢（四哥）怒摑曾江的餘溫炮製笑料，又爆多年老拍檔吳君麗拍擁抱戲時愛起踭，83歲的修哥魄力依然。
笑謝賢扮有型
修哥請來安德尊任嘉賓，捧場則有吳君麗、謝雪心及苗金鳳等。甫開始，修哥即放笑彈：「我唔係曾江，冇佢咁大膽，喺老虎頭上擘大個口，仲有命返嚟；我唔係謝賢，冇佢咁有型，去俄羅斯14日，帶足14個背囊，冇乜嘢裝，求其裝啲嘢扮有型：我唔係Joe Junior，冇佢唱歌咁叻，我只係胡楓。」
安德尊隨即說：「為咗禮貌，俾人打都唔出聲，咁有禮貌係咪好蝕底？人緣好嘅人做嘢唔啱都係啱嘅，呢啲對白係修哥度㗎。」語畢，修哥即掌摑安德尊，安德尊扮眼鏡被摑歪。
另外一個環節，修哥借吳君麗開玩笑，先播出一段修哥過往和吳君麗合作時的擁抱片段，修哥笑說：「我每次攬住嘅係麗姐手踭，以前同佢拍戲，佢都手踭行先，有次仲俾佢撞到要睇跌打。」
演唱會結束後，修哥接受訪問說：「對白係我諗嘅，雖然做得比其他藝人辛苦，但樂在其中。」
採訪：張俊銘
攝影：陳俊強