【本報訊】蘋果過去在港銷售新iPhone均早於內地發售，造就本地炒家必賺神話；但蘋果近年加大力度直銷內地，甚至中港同步發售，間接打擊香港炒風；有手機專家稱，iPhone 6s及6s Plus昨午官網開售，無宣佈下突同時推出iReserve賣機屬首次，明顯打擊以電腦程式買機炒家。
買不到最早一批貨
科技產品網站 http://unwire.hk 手機專家Edward表示，蘋果官網昨起預訂新iPhone，但在無先兆下同時推出iReserve，讓買家多一個選擇，更可於9月25日正式開賣到蘋果店取機，做法打擊一些以電腦程式買機的炒家，「程式設計原本係online預訂，唔知會有iReserve，變咗買唔到最早一批貨，相反會落咗喺一啲用家度，打擊咗炒家」。
先達手機店負責人劉志剛亦指，蘋果中港同步售iPhone後，炒家風光不再；過去香港率先有售iPhone，變成主場，內地客來港一擲千金求機；如今中港同步發售，貨量又充足，主場在對方，「𠵱家我哋要等佢哋嚟買機，炒賣時間亦變咗好短」。
過去，iPhone在歐美率先發售，令到無論香港或內地的需求極高，如2010年iPhone 4水貨機炒足3個月，16GB炒價更企硬約萬元；2012年iPhone 5本港成為首批發售地區，在內地客強烈需求下，亦炒足3個月，炒價才回落。2013年iPhone 5s首次中港同步發售，馬上「炒唔起」；去年iPhone 6本港雖再次早於內地發售，但貨源充足下，炒風很快結束。
■記者蔡朗清