實用面積逾1,200方呎的單位地方多，但間隔不規則未合心意，大而無當就要改，改動先減後加，內外空間執位，將歪斜格局變得方正好用。
記者：溫潤潔
攝影：鍾偉德
由入屋開始，原則廚房兩幅斜牆凸出，形成迂迴通道，進出飯廳要兜彎，玄關也昏暗，既然不討好，乾脆左右削平，一邊入口安裝夾絲玻璃趟門，另一邊近大門鑲灰鏡採光，大家橫向一線，睇得順眼，兼具亮度，同時消除飯廳間隔「巖巉」問題，更鬆動得體。
白色波浪屏風搶眼
有減必有加，斜牆沒了，玄關新做白色波浪屏風，流露現代線條美，側旁向廚房偷位做隱藏式鞋櫃，切合換鞋需要，夠實用性。
客廳鑽石形不太理想，好在有10多呎闊，做三角貯物房去修正，電視與梳化彼此相對。雖然略為縮減深度，但背面有貯物房補償，電視地櫃嵌入貯物房內，觀感整齊，不阻出入，點計無蝕底。
兩廳經過改動，有橫廳感覺，牆身鋪深啡橡木連貫起來，效果歸一，可以配合戶主購置的深木家具，營造北歐風格。
此外，走廊向套廁偷位做貯物櫃，收納全家日用品，當中一組貯物櫃分前後兩邊用，供套廁放污衣，窩心製作莫過於此。
廚房與原有工作間打通，空間開揚得多，做個地櫃放洗衣機，保留工作間的功能。原有工人套房改為工人房連貯物房，暗角空間亦增加實用性。
窗台做書枱 放坐墊
【善用空間】
廳房共4組大窗台，為盡用無嘥位，全部有搞作。客廳做有椅背的坐墊，可坐得舒適，想欣賞窗外風光，將椅背反下來，任君選擇。套房窗台做書枱及坐墊，各佔一半，隨戶主需要去使用。
書房窗台全組做書枱，底部特別做假抽屜裝飾，上下凹凸，左右不對稱，造型鬼馬，帶來幽默感。兒童房做兩組青色坐墊，中間設小圓枱，齊齊玩。
物業：西半山寶翠園
面積：1,217方呎
家庭人數：4人
設計及裝修Tint International Limited（3664 3664）
歡迎讀者提供單位拍攝及介紹，請將資料傳真2370 3886或
電郵mailto:[email protected]