今日下晝3點01分iPhone 6s預售，肯肯定掀起搶購戰兼網絡大擠塞，唔好以為死按爛按個F5掣就有用，今年隨時可能玩第二瓣格式搶bid！希望大家抱住「有就開心、冇都算數」嘅心態作戰，祝各位好運！
《鬼同你VO》就搵嚟唔同電影入面嘅場口，配上全新嘅旁白，道出時下熱門話題。老實講，家陣嘅小朋友已經比以往嘅幸福，新手機人人都想要，但最緊要體諒父母嘅能力，唔可以樣樣嘢都要話買！唔想做怪獸家長縱容仔女嘅話，記得量力而為，買得其所。
學先達嘅資深賣家話齋，想搶6s嘅朋友記住搶玫瑰金色，但只適宜短炒咁話，自用就唔使多講喇！搶唔到做「沒有6s的小孩」又如何？手機夠用咪得囉，做個乖乖小朋友啦！