足球員醉駕嘅新聞屢見不鮮。話說周四晚捷克喺歐國外擊敗拉脫維亞，成功打入明年嘅歐國盃決賽周。捷克呢場波嘅入球功臣利巴斯基（圖）唔知係咪興奮過頭，深夜時飲醉，揸住佢架價值18,500歐元嘅賓利名車，炒咗落欄杆度，事後嘗試向警察提出賠償欄杆了事，梗係即刻被人拘捕啦！如果告得入，最多要入獄三年，真係手尾長喇！