大美人林青霞昨晚在灣仔出席「香港芭蕾舞團2015籌款晚會」，不少城中名人出席，當中包括有何超瓊和何超鳳、霍啟山、霍啟剛、趙式芝與太太楊如芯和張天愛等等。戴上卡地亞逾千萬鑽飾出席的青霞，艷壓全場，近期忙於拍攝真人騷《偶像來了》的青霞，被問到拍攝情況，她笑說：「𠵱家仲拍緊，唔辛苦，仲好好玩、好開心，可以接近大地近吓啲地氣。」她續說：「一世人好少玩到呢啲遊戲，同唔同界別接觸同交流，可以豐富人生，對我嚟講多咗好多寫作題材。」
青霞坦承自己已經有21年半沒有參與拍攝，她說：「過往演自己好唔容易，我以前亦都寫過文章，講過最難係演自己，不過今次係好舒服，好放得開，冇介意人哋嘅睇法，如果叫我拍戲，再做人哋角色會唔習慣同覺得生疏。」笑問假如老朋友叫到，又會否客串？她說：「都係唔好，除非係張叔平搵我喇，不過佢唔係做導演，應該唔會喇！」再問是否怕與舊作品比較？她笑說：「以前都幾滿意，係人生嘅經歷，𠵱家覺得人生好豐富，再拍係好大壓力，只許成功不許失敗。」 至於老公和囡囡又有否投訴？她說：「佢哋不嬲都好支持，今次拍攝識多了朋友，返嚟個女話我客氣咗，仲叫我出去拍多啲嘢。」
超鳳見過女兒男友
何超鳳對於女兒何鍶珩拖金融男友夜蒲一事，她說：「老實講有啲詫異，畢竟佢係後生女，同啲朋友影啲相，冇需要拎出嚟登，事關佢仲讀緊書。」問到有否提囡囡小心處理相片？她說：「當然有講，大家幫幫手，唔需要就唔好登，我都有見過個男仔，好正常，但係讀書重要。」
張天愛近年主力在內地工作，問到有否看青霞演出的真人騷，她說：「冇睇過，忙自己工作，連拍拖都冇時間，遲啲先。」此外，特首夫人梁唐青儀亦有出席，昨日是齊昕的生日，問到她有否慶祝，她說：「係呀，所以今日唔好意思，要遲到早退，佢約咗啲同學仔喺屋企食飯，佢𠵱家好好，有心。 」
採訪：張俊銘
攝影：陳順禎