李嘉欣昨日在香港仔為飲食節目進行錄影，她坦言今次是享受美食，不用獻醜展示廚藝。平時會否下廚？她笑說：「我好少掂啲肉同有血嘅嘢，但係麵粉、牛油同糖呢類整西餅類型嘅嘢會比較多啲。」不過問到嘉欣最拿手煮的食物時，她笑說：「即食麵，即食麵都好有藝術，我都試過炮製甜品自助餐，囝囝都有試過一齊參與，都幾開心。不過我老公（許晉亨）唔好甜品，鍾意食肉類，所以我整啲嘢佢唔係咁欣賞。」
嘉欣亦爆老公許晉亨自誇手勢好好：「佢講到自己好叻，但係結咗婚幾年我一路都冇食過，所以呢個真係傳聞，但係我反而希望可以三個人各自整一樣嘢食，都幾得意。」
至於囝囝的飲食習慣，她則說：「基本上我乜嘢都畀佢食，佢係男仔，將來都會寄宿，有機會面對好多食物，食番以前嗰啲咪仲驚。」
撰文：張曦彤