跑了兩次賽事，蔡約翰仍未贏馬，不過睇番這位七屆冠軍練馬師，原來對上三季開齋馬「財運」、「如你所願」及「追風駿足」都係在該季第二次日賽勝出，周日適逢又係今季第二次日賽，看來又到蔡約翰發威。
今期蔡約翰出馬仍然不多，只得四駒上陣，以「現代財星」最有機會替馬房取得今季第一W，此駒上季七次角逐泥地短途1200米，六次跑入前四名，反而跑其他路程從未上名，可見獨擅此程，今季吼準首本路程打王牌上陣，續配騎慣騎熟之田泰安壓陣，不難打開勝門兼替蔡約翰開齋。其餘蔡廐參戰馬，「明多多」連續兩季初出即上名，包括上季首仗即贏馬而回，反映本身休後威力特別大，跑番上季尾入Q之田草1200米，由莫雷拉執韁，有力跨季打叠上名。至於「鈦金剛」近兩次跑田草1600米均非勝即位，試埋大閘才上陣不能輕視。