《敬業與樂業》係好多港人求學時期嘅集體回憶，老師都有教啦，「樂」字應讀作「肴6」（陽去聲）。但教育局局長吳克儉出席敬師日慶典暨表揚狀頒發禮時，當住台下1,300位老師致辭時就話：「向各位敬業樂業、言傳身教嘅老師致敬」，錯讀快樂嘅「樂」音，認真失禮。
不過，佢似乎冇發現讀錯，繼續引用《禮記》「經師易得，人師難求」，讚揚老師工作重要。但講辭到中段，又突然加插一句冷笑話：「21世紀世情瞬息萬變，股市就係一個好例子啦呵」。
其實吳得掂上年拋書包引《出師表》嘅經典文句時，都疑似數錯字，將十個字嘅句子講成八個字，再加上英文水平一直成詬病，似乎佢中、英、數都同埋個名一樣唔得掂。