區選前夕，有份喺2010年10月創立新民主同盟嘅沙田區議員容溟舟，噚日提出退黨要求並獲接納。
容溟舟喺退黨信中話，自覺喺黨內作用漸細，地區工作則越見繁重，無暇兼顧黨務，惟有退黨，強調今日一別，與新同盟情誼不變。有消息話新同盟執委早前否決容繼續以新同盟名義參加區選，令容萌生去意。
新同盟輪任召集人陳竟明發聲明回應呢件事，佢話向容溟舟了解過，明白對方一直勤於地區政務、甚少參與組織決策，為咗更專注地區工作而離開。
陳竟明話，雖然對呢個決定覺得惋惜卻會祝福、尊重其個人決定，喺地區事務上會繼續同對方合作，唔知容溟舟若然堅持參選爭冧莊，新同盟會唔會支持？