亞視有新投資者加入，昨日記者會上滿腹大計，有傳新投資者中國文化傳媒國際控股屬紅色資本，邵仲衡曾經返內地做生意，對「國情」有一定認識，對於亞視的大計，邵仲衡不禁在電話中大潑冷水：「佢哋（亞視）話想迎合港人口味，其實最先要了解內地，甚至全球華人點解都鍾意睇香港嘢先，咪因為呢個係香港人口味吖嘛，乜嘢三亞精神，唔需要諗咁多點點點、乜乜乜精神，不如擺啲心機去研究吓乜嘢叫香港人口味先啦，唔好本末倒置，要分清楚。」
至於港視舊人陸駿光和周家怡均希望亞視今次真能有節目製作，為電視業帶來新希望。陸駿光說：「我諗全行都想佢哋有多啲製作，大家未死心，幕前幕後都搵緊方向」
而對於紅色資本投資，陸駿光說：「呢樣我哋控制唔到，但香港電視台應該用番多啲香港人，港藝人好抵用。」家怡則謂：「投資100億有新製作梗係好，但劇集最緊要有番香港特色。」
採訪：王連連、嵐山
