【本報訊】前晚小巴司機不滿抄牌引發堵塞上海街事件，被指是導火線的姓邱高級警員（圖）出名火爆。現年47歲的他1989年加入警隊，編號50015。前晚8時許，邱在朗豪坊發現一輛紅頂小巴停泊在禁區內，上前票控62歲司機，司機不滿引起爭執，其他司機拍攝說：「就係呢個50015屈你……」邱叉腰警告：「你唔好再影住我啦，你影會阻礙我執行職務。」拍片者反駁：「我𠵱家係咪唔影得相呀？」邱說：「係！我唔鍾意人影相呀！你啲閃光燈整住我！」動手將鏡頭擰向拍攝的小巴司機。
「同你玩到盡」
邱如此火爆行為非首次，去年10月4日佔旺期間，新填地街逸豪酒店職員投訴門外警察旅遊巴無熄匙狂噴廢氣，車輛其後駛走。不久，10多名警員折返無法登車，當時邱怒斥：「我唔嚟惹你，你嚟惹我？差人好恰呀𠵱家？吓，唔緊要㗎，我『豬柴』嚟㗎，我仲有幾年食糧，同你玩到盡唔緊要。係咪好好玩呀？」
■記者溫文學