唔少人都有儲飛行里數嘅習慣，但當你換免費機票時，若然差兩、三百里數先換得成，就要貴價向航空公司買里數，否則可能好頭痕。不過，最近香港航空參加咗一個里數互換計劃，簡單啲咁講，將來坐港航可以換國泰（293）機票，坐國泰又可以換港航機票。港航所屬嘅飛行常客計劃「金鵬俱樂部」，噚日向會員發出通知，話佢哋參加咗網站「points.com」嘅里數互換計劃。通過網站，會員可以將港航里數，換成國泰亞洲萬里通、加航、甚至其他酒店集團嘅里數或積分；而亞洲萬里通嘅里數，又可以換成金鵬里數。
華華睇過網站嘅兌換率，其實唔算吸引（見表），網站亦食咗唔少差價。不過，家陣航空公司嘅里數好難儲，多一個渠道儲miles，點計都係方便咗。