正所謂家醜不出外傳，就算老闆對員工幾咁不滿都好，通常捉人入房鬧，或者發內部通知，令到碧桂園（2007）主席楊國強上月底凌晨2點半，忍唔住要喺公司網頁，彈出最新指示，對外公佈炒咗員工魷魚，佢真係堅嬲喎！
楊主席咁嬲，唔係因為員工賣樓不力，而係早前有負責做接待嘅管理人員，唔理人事部意見與公司規定，明明有架靚車可以接待重要客人，偏偏派架比較差嘅車去。
件事激到楊國強炒人，睇嚟佢指嘅重要客人，對碧桂園嘅車好有意見。
楊主席嬲到一輪嘴係咁鬧，指「有些人自己想當然，不學習、不認真，本職工作做不好，大家都這樣，企業還有希望嗎？」佢最後寄語員工話「希望大家都做個有能力的人、稱職的人」。