中央救市救到走火入魔，中證監日前宣佈為指數「熔斷機制」進行諮詢，建議用滬深300做指標，只要該指數單日升跌幅達5%，就會休市30分鐘；若升跌幅達7%，就全日停市。
早前A股泡沫爆破，當局默許一半以上的上市公司以各種無謂理由停牌，以為這樣可以「免於一跌」。
但結果呢？投資者發現原來你可以隨時「落閘放狗」，咁一復牌當然爭相沽貨，大市稍有反彈就火速閃人！這是A股救市無法成功的其中之一個原因。市場最緊要是有流通性（liquidity），因為怕跌市而限制流通，往往只會弄巧反拙。但阿爺沒有從錯誤中學習，一心維穩，維到個腦都唔識轉了。
「熔斷機制」其實在國際間並不罕見。美國亦有指數跌超過20%就停市的做法。不過，美股和A股在本質上有很重要的區別：就是美股可以有效地沽空。當一隻美股升得過高，我可以short佢；但一隻A股喪升，我除了得個睇字，乜都做唔到。可以沽空和對沖，其實有助市場保持穩定。但視沽空為「惡意」的A股呢？滬深300升跌逾5%，今年就已經出現過22次了。
A股期指目前已被半廢，如再推停市機制，相信A股將會倒退成當年的「殭屍市」，變回一潭死水。甚麼引入外資、提高機構投資者參與比例，全部變成空話。
海迪