陳茵媺和周汶錡昨日在中環出席護膚品牌活動，收身成功的茵媺透露正式演出杜汶澤執導賀歲片《開飯喇！》，活動後她即趕回大馬繼續開工，連囝囝都沒有時間見面，惟有靠視像通話，她說：「掛住就一定㗎，第一次離開佢哋咁耐，不過我唔會叫佢哋去探班，我怕自己集中唔到，攬住佢哋唔畀走。」問到片中與阿澤有否親熱場面？她說：「我哋喺套戲會拍拖，睇咗劇本先，我唔會因為做咗媽咪底線會高，做演員唔可以有框框。」
周汶錡繼續被追問妹妹周麗淇與徐正曦分手一事，她說：「最好問當事人，來龍去脈我都唔知。」她透露與徐正曦見過面，問會否相信他借糧？她說：「我覺得唔會，𠵱家仲邊有人要借糧？佢都係一個乖仔，唔好講得佢咁差。」
採訪：黃曉妍
攝影：陳順禎