360°足本版： https://youtu.be/e7vwKVF1rN0
注意：IOS用戶進入Youtube版面後，請按頁面右上方的按鈕，設置「Open in Safari」，享受360°全景體驗。
動新聞全新體驗，以360°全景方式拍攝，帶你置身其中，令你可以隔着螢幕都好似親歷其境一樣。譚小環間魚蛋檔嚟緊就快有分店喇，為咗幫分店構思新餐單，小環就孖住一樣咁為食嘅動主播汶汶去到小食天堂旺角，拜師學藝，實行溝埋雞蛋仔一齊做！
360°體驗方法：按以上360°足本版連結，進入YouTube app，即可以360°全景體驗動新聞。你更可以手指按住螢幕，拉去不同角度；如果以電腦觀看的話，只要用Google Chrome瀏覽器，以滑鼠按住即可拉去不同角度。
譚小環賣魚蛋賣到開巷，她已計劃年底在太子開分店，對港式小食有情意結的她，近日推介旺角吃創意雞蛋仔，她一小時內喪吃了豬扒包雞蛋仔、熱狗雞蛋仔和雪糕雞蛋仔等，小環笑言：「我真係好鍾意食雞蛋仔㗎！我覺得老闆娘Polly將我哋食開嘅雞蛋仔發揚光大，創意無限，絕對係我心目中嘅雞蛋仔米芝蓮。」
小環情有獨鍾豬扒包雞蛋仔，她說：「用鹹味雞蛋仔換作面包，仲要夾住塊好腍嘅豬扒同太陽蛋，超正呀。」小環更試整傳統雞蛋仔，在老闆娘Polly指導下，小環成功弄出一底出爐「處女」雞蛋仔，賣相不錯，Polly吃後給80分，令小環偷師後心思思都想開一間。
採訪：比華利
攝影：仇志德
場地：Eat With Me