【本報訊】正式卸任泛民「飯盒會」召集人的公民黨黨魁梁家傑，昨與傳媒茶敍時透露，計劃2016年不再參選立法會，希望由年輕人接棒，自言從政12年來「做得太多嘢，但效果唔係好顯著」；又提醒從政新人要小心政治圈不同誘惑。
否認心灰意冷
梁家傑稱至今未與公民黨商討不角逐連任的決定，笑言「呢個世界冇話冇咗邊個唔得」，但他希望公民黨未來會有新面孔、新組合，可以產生新的化學作用，所以覺得要給新人帶來改變的機會。
回望過去議會工作，梁家傑覺得對支持者以至國家「都算有交代」，但否認心灰意冷，強調若香港未來大環境有改變，令他覺得可做到有效果的事，他將義不容辭重新考慮參選。
面對雨傘後一班年輕人，梁家傑有接觸過部份傘後組織如「杏林覺醒」等，直言這些新人令他看到希望。
梁又寄語有意投身政治的年輕人，要先做好「修身」工作，指政治圈誘惑很大，「睇到身邊有啲人智慧比我高，但仍被共產黨玩弄於鼓掌而不自覺」。
■記者林俊謙