當初曼聯外借贊奴沙畀德甲嘅多蒙特，相信有唔少魔迷都拍爛手掌，但睇嚟贊奴沙好想證明雲高爾做錯決定。多蒙特周二晚就同聖保利踢咗場慈善賽，為難民籌款，正選上陣嘅贊奴沙只係用咗18分鐘就射入佢喺新球會嘅第一球，最後協助多蒙特以2:1贏波。睇番個入波雖然係省中人彈入，唔多唔少有「符碌」成份，但係贊奴沙射波之前嗰吓過人就盡顯功架！