【本報訊】港隊前晚世界盃外圍賽，主場迎戰強隊卡塔爾，賽前奏國歌時，有球迷報以噓聲及高叫「We are HK」。身兼港區人大代表的新民黨副主席田北辰昨稱，對球迷噓國歌非常不滿，更質疑有人借體育盛事「搞分裂」，形容公開噓國歌或背對球場的蔑視行為，亦有如表態拒絕一國兩制。足總主席梁孔德則指，前晚噓聲已較之前兩場賽事為輕，相信港隊不會被罰。
田北辰昨接受電台訪問時斥球迷在賽前奏國歌時，發出噓聲又或背對球場，形同搞分裂：「唔知佢哋自己覺得好光彩好威，因為跟住有人報道好cool（有型），定係搞分裂？佢有冇諗過咁嘅行為，係想點先？」他說噓國歌是非常負面行為，體育、政治和宗教無理由混為一談，公開噓國歌或背對球場，以及團體揮動龍獅旗的行為，有如向中央表達拒絕一國兩制，「香港已經回歸中國，咁你留喺度做乜嘢呢？我唔係好明」。
梁孔德：港隊被罰風險微
田又藉球賽談到政治，指月初到北京參加閱兵典禮，曾單對單與中共領導人會面，引述該領導人指中央內部有聲音認為香港越走越遠，關注香港是否有「離心」，港人是否仍嚮往殖民地年代。
港超聯球隊傑志耗資8,400萬元興建的青少年足球訓練中心昨開幕，足總主席梁孔德出席開幕禮時指，前晚賽事噓國歌的聲浪已較前兩場主場賽事「細得多」，今次亦有球迷大叫口號及拍手，也有人唱國歌。據他現場觀察，噓國歌的程度輕微，相信港隊受罰機會「幾微」，「始終唔知國際場監會點寫份報告，如果佢哋（國際足協）要罰我哋，一定同佢fight到底」。
港隊11月17日將會在主場再上演中港大戰，但場地安排仍未有定案。梁孔德說，大球場在中港大戰前會舉行大型欖球賽事，難預計經過50場賽事後的草地狀況，「如果爛晒就踢唔到，到時先換場就仲難」，估計政府一星期後可以有決定。出席同一場合的康文署署長李美嫦則拒作回應。
■記者鄭啟源
