今季個頭開得靚，開鑼日開咗齋嘅馬房，運氣一定唔會差，所以吼住呢啲倉口一定搵到食。其中呂健威、霍利時今期啲戰馬仲排晒內檔起步，運氣似乎仲好喎！
呂健威三件「公証揚聖」排一位，「紫電明珠」三檔，仲有「國粹精華」亦係三檔，機會當然以後駒好啲啦，上季於同程開糊，英國馬開咗竅，隨時贏到你唔信！
霍利時四隻，分別有「大地和平」排一檔、「聰明申報」排二檔、「星星的您」差少少都排五檔，仲有尾場「帝國勇將」排二檔。其中最有機會係「聰明申報」，呢個路程跑四次，得兩W一P全部排一或二檔，排八檔嗰次就輸咗，可見隻馬冇欄冇命，今場用鄉里霍勵賢，兩個阿霍走埋一齊，希望可以贏到「霍霍聲」！