噚日有隻叫做良斯（1683）嘅新股掛牌，呢間公司專做室內設計，仲要係專門為發展商做示範單位嘅室內設計，平時大家睇到靚到不得了，或者有唔少鏡做擺設嘅示範單位，可能都係出自呢間公司嘅手筆。
聞說，公司老闆為表謝意，特別捐100萬元畀公益金，揀咗呢個代表新鴻基地產（016）與信和置業（083）嘅上市編號，多謝呢兩間公司一直畀生意佢哋做。
呢招既可以多謝兩位大客，又可以話畀所有人知道，新地與信置都幫襯佢哋，順手賣埋廣告，一舉兩得，公司老闆果然想到十分周到。
良斯兩位老闆其實係夫妻檔，主席梁興隆與行政總裁周梅莊兩夫婦，本身係建築師，自己開公司，𠵱家主力幫發展商做室內設計。
不過，提醒番，新地與信置幫襯啫，未必有入股㗎。