太古地產（1972）推售西半山西摩道豪宅瀚然，有豪氣買家斥資1.6億元，連環買入49樓頂層A、B室特色戶，呢位豪氣買家叫蔡紹霞（Choi Shiu Ha May），跟已故「海產大王」蔡繼有女兒同名同姓。
呢兩個單位分別造價8,933萬同7,068萬元，每個單位呎價達5萬元，創瀚然最高造價紀錄。
一提到蔡繼有，家長通常即時聯想到唔少人心儀嘅保良局蔡繼有學校，但係就未必知道佢嘅背景。蔡繼有其實係本港低調富豪，白手興家，育有3子4女，次子蔡冠深主力幫忙打理家族業務，為新華集團掌舵人，新華富匯金融（188）主席就係蔡冠深，佢細佬蔡冠明係滙富金融行政總裁。