浸大噚日舉行第60屆開學禮暨榮譽大學院士頒受典禮，剛上任嘅校長錢大康致辭時，就叫同學記住自由同責任，話大家有自由表達看法同選擇表達方式，但同時有維護自由嘅責任。學生會會長陳思豪同意校長講嘅自由同責任，之前浸大同港大學生會都分別衝過入校董會同校委會場地，雖然有人批評同學表現暴力，但喺對抗不公義時，即使面對質疑，大學生依然要堅信原則、肩負革新責任。
錢校長係頒受典禮後話因趕時間，冇俾記者扑咪就走咗。八方發現噚日陳方安生、李麗娟、李鵬飛全部都喺度，據聞捧好友蘇周艷屏（蘇太）場，八十年代做過立法局議員嘅佢，獲頒授榮譽大學院士。