隨住北京主動尋求改善與泛民關係、多名建制中人又明示暗示特首梁振英未必「老奉」有北京祝福連任，有商界中人對季陶說，近日流傳下屆特首選戰其實已暗地裏提早開始，除了有人加緊收集疑似候選人黑材料外，他聽聞由年底到明年初，陸續會有新智庫出台，無非為特首選舉做準備。
該商界人士對季陶說，立法會主席曾鈺成早前計劃卸任後搞智庫，為下屆特首出謀獻策，但近日商界盛傳曾主席可能提早在明年初會有所動作，事實上若曾主席真的想為下屆特首出謀獻策，他的智庫不可能待其明年9月任期屆滿才出台，必須明年初就開始運作，否則難影響有意出選特首的黑馬。
「一定唔係君子之爭」
除了曾主席的智庫，該商界人士聽聞年尾可能有另一個由商界支持的智庫成立，據他所知那班商界人士的「造王者」意味極濃，「聽完個幕後金主，大家即刻好清楚，如果呢檔嘢搞得成，就係要捧佢哋支持嘅人選下屆特首」。
除了有人搞智庫，也有人加快收集可能參選人士的黑材料，該商界人士形容有些手法頗為「狼死」，「所以曾鈺成點解之前要再三出嚟講唔選特首？就係唔想繼續俾人搞」，據知有開明建制派曾提醒中央，按目前局面，梁振英必力爭連任，「2017年特首選舉，由於CY一定爭連任，但又一定有人出嚟同佢爭，所以一定唔會係君子之爭，隨時選戰慘烈程度，仲厲害過2012年」。
季陶
周一、三、五刊出