六個紅球世界錦標賽噚日繼續喺泰國曼谷進行，香港一哥傅家俊中午先以5:2輕取威爾斯球手卡克，傍晚再以5:4險勝瑞士嘅巴域斯，喺G組以三分高踞榜首，今日就會爭小組首名出線32強。至於中國一哥丁俊暉（圖）先以5:0大炒澳洲對手祖基，但之後就以3:5輸畀伊朗嘅艾山，以兩分暫列D組次名，今日最後兩場就要加把勁喇！