巴洛迪利（巴神）前女友芬妮（左）同韋斯咸中場高耶迪（右）打得火熱，有外國傳媒影到佢哋拍拖嗰陣happy到四萬咁口；另一邊廂嘅巴神睇嚟已經走出情傷，落選意大利大軍名單嘅佢同朋友搭直升機「越過高山越過谷」，絕對冇浪費呢個假期！盡興嘅巴神放咗好多相上instagram，相中成個細路仔一樣跳跳紮，真係好耐都冇見過佢咁開心喇！此外，AC米蘭主帥米赫洛域亦都好滿意佢嘅態度：「我好滿意巴神操練時嘅表現，只要佢成功減肥就可以上陣！」難得主帥咁信佢，不過佢啱啱又因為超速而被「釘」牌。唉，好心巴神你生性啲啦！