對於告別戰一直扭扭擰擰、最鍾意「晒」佢有幾多錢同女人嘅美國拳王美韋達，將會喺香港時間9月13日朝早八點對美國沉量級好手柏圖，睇怕今次真係佢告別戰喇啩？如果你想睇呢場比賽，就要用288元買「現在台」嘅直播通行證喇。自從今年五月嘅「世紀之戰」擊敗菲律賓拳王帕奎奧後，美韋達將不敗紀錄延長至48場（48勝0負26次K.O.對手）。不過可唔可以延長至49勝，或者會有少少阻力，因為佢今次對手柏圖來頭都唔細，曾兩奪次中量級腰帶，2011年前更創下連續27場不敗的紀錄，職業生涯紀錄為30勝3負（23場K.O.）。相信拳王嘅終極一戰絕對唔易應付！