資深啲嘅球迷應該仲記得，前哥倫比亞門將「狂人」希基達，20年前佢一招「蠍子式救波」，好地地唔用手，係要拗腰翻身，用腳由後勾上去踢走個波，絕對係一個瘋狂嘅龍門先會咁做。不知不覺已經20年，估唔到𠵱家49歲嘅希基達條腰骨仲咁使得，日前喺泳池邊（下圖）再表演多次蠍子式救波，跟手撻埋落水，依然有料到。