喺台北饒河街夜市闖出名堂，曾經創下日賣3,000碗牛肉麵嘅「程班長」，嚟咗香港「落地生根」、喺荔枝角工業區開舖後，最近請強國人食檸檬。
店主程致賢噚日喺facebook專頁話，近日收到有人邀請佢到大陸合作發展，但佢覺得大陸好複雜，形容獲邀到內地發展，「這絕對不是天上掉下來的禮物！」佢話只係想單純將生意經營好，當時冇考慮過就立刻拒絕，重申即使內地有好多商機：「我們永遠不會去！」八方見佢哋咁樣喺fb公開明志，顯示佢拒絕北上嘅決心好強。
程班長（程致賢）2010年曾與香港食店合作，喺銅鑼灣開店但最終不歡而散，其後遷至荔枝角工廈東山再起。唔少網民讚程班長「有種、有骨氣」，有網民擔心如果用咗大陸嘅劣質食材，盞做壞招牌！
