【本報訊】沉寂半年的反水貨客示威重臨，批發及零售界立法會議員方剛昨再次將中港矛盾歸咎於限奶令，又指目前只有一、兩個品牌奶粉缺貨，供應商其實有逾100萬罐存貨，撤銷限奶令後可確保本地嬰兒有奶粉飲用，「畀張卡佢，保證一個月有6罐奶粉」。多名家長炮轟方剛不明白用家苦況，更有人要求他親自到上水了解情況。
促親到上水了解
方剛連日來促請撤銷限奶令，昨出席電台節目時，被多名致電節目的聽眾炮轟。下月將誕下第3胎的上水居民吳太斥責，方剛並非用家，不明白上水居民撲奶粉苦況，「行10幾間（藥房），佢話冇就冇，仲要同你講『你唔係喺度買吓嘛，你過粉嶺買啦』，我住上水點解要過粉嶺買呢？」
吳太又指，想一條尿片，藥房卻不肯拆箱散賣，因為水貨客會整箱買走，強調奶粉和尿片均為嬰兒必需品，不應撤銷限奶令，「係日日有供應，但你係日日都買唔到，佢唔賣畀你」。聽眾羅先生則要求方剛親自上水體恤民情，他指現時一罐200多元的奶粉，超市卻索價逾300元，質疑「點解要為你哋商界要發展，而不停加重生活成本？」
食物及衞生局局長高永文指若撤銷限奶令，情況可能惡化，重申暫時未有條件撤銷限奶令。
■記者嚴敏慧