唔少年輕人想創業，卻苦無創業資金。新任菁英會主席盧金榮任內一大搞作，就係由菁英會打本幫年輕人圓創業夢。據知菁英會稍後將推出「3i 企業家培訓計劃」，希望發掘有潛質嘅青年，以Internet Plus、「互聯網+」嘅思維，結合Innovation，喺Intelligent Era創出事業。
八方聽聞，菁英會出手都唔錯㗎，提供嘅創業基金，都有6位數字；篩選之時，當然最重要都係創意行先，唔想人做大家又做。而喺推動之初，估計會有約20個計劃入選。
八方覺得呢個計劃最大賣點，除咗係會方出手闊綽，更加係菁英會嘅成員，會幫呢班創業年輕人擔任導師。嗱，菁英會出咗名多富二代，佢哋畀嘅創業貼士，唔知係咪更易sure win？