阿里巴巴每年搞大學招聘會，都引嚟唔少畢業生爭崩頭。之不過，今年阿里話只要真精英，要減少校內招聘名額咁話。內地《界面網》報道，傳由請3,000人，一減就減到得番400個位，都咪話唔驚，但有消息人士就話，其實唔係好似傳聞咁，減咁多。
阿里校園招聘網入面就解釋，集團宗旨係「擁抱變化」，但無理由要班畢業生承受咁話。之後又同人道歉，話令到畢業生求職多咗變數。出得嚟搵工，邊有話包生仔㗎，畢業生都明呢個道理，阿里咁樣道歉都唔知好嬲定好笑。集團發言人話，正檢視現有業務，去諗第時請啲乜人，所以請人時需要更高要求。
話時話，今年2月嗰陣，集團執行主席馬雲講過，每年喺香港請200個大學畢業生，去阿里入面實習1到2年。佢仲話要成立10億元「香港表年企業家基金」，但𠵱家都未見影，希望今次集團要精益求精，唔會影響到啦。