【深耕細作】
雨傘運動改變香港政治生態，啟發年輕一代積極參政，多個傘後組織計劃出戰區議會選舉，希望從社區出發，重奪香港未來。和平佔中發起人陳健民、戴耀廷感到鼓舞之餘，亦提醒傘兵要做好心理準備，未必能像泛民般在2003年區選「大翻盤」。但戴強調，若有延續民主精神的人長期在社區工作，11月的區議會不論輸贏，「其實都係贏咗」。
難像03年泛民般翻盤
陳健民早前說過，擔心傘兵參選區議會若落敗會有強烈挫敗感。他接受訪問時解釋，過去區議會選舉結果顯示，現任議員有八成會連任，「所以雨傘嘅人要有充份心理準備（落敗），否則會好大創傷。如果以為拎住黃傘就會贏，對唔住，我睇唔到今次可以好似2003年咁（泛民）可以大翻盤」。他希望傘兵對社區提出新的想像，吸引一班過往不會在區選投票的中產，並吸納年輕選票，同時平衡社區居民切實需要。
戴耀廷亦指，即使傘兵在區選大敗，亦不應視為打擊。他強調社會行動不是一次就能成功帶來制度轉變，傘兵參選區議會可以為下一次社運捲入更多人而作準備，直至要求改變的臨界點到達，「建制內（即區議會內）有人就可以馬上承接改革嘅路向」。
戴耀廷說：「要問自己一開始預咗玩幾耐？一次過贏就玩落去，輸咗就算？咁你就唔好選喇。」他強調，參選區議會關鍵在於參加者可以堅持多久，指至少要預4至8年時間在社區工作，讓居民了解其理念，為社區管理帶來新氣象，「有班人肯咁做其實係贏梗，開始扭轉地區管理嘅思維，若果冇呢種思維，輸咗就真係輸咗喇」。
陳健民說早年參與社區工作時未有政黨出現，反而有更多居民領袖會參與、發聲，「自從有政黨，泛民、建制兩邊往往係鬥快，入紙去區議會，開個記者會，拉條橫額去房署等等，請願完就冇咗居民參與，新一代參選人要意識到，要更多畀居民捲入，希望係新氣象」。
■記者陳雪玲